Barcelona kërkon Koken

Trajneri i Barcelonës, Luis Enrique ka identifikuar mesfushorin e Atletico Madridit, Koke, për zëvendësues të Xavi Hernandez, i cili do të largohet nga klubi në fund të këtij sëzoni.
Xavi do të largohet nga Barcelona pas përfundimit të këtij sezoni.

Mesfushori pritet të nënshkruajë me klubin nga Katari, Al-Sadd. Andaj, gjiganti katalan është i detyruar të sjellë një zëvendësim për të.

Dhe, e përditshmja sportive katalane “Sport” në ballinën e sotme ka publikuar lajmin për interesimin e Barcelonës për transferimin e mesfushorit të Atletico Madridit, Koke.

Reprezentuesi spanjoll ishte objektiv i klubit nga Camp Nou edhe gjatë verës së vitit të kaluar.

Por, për ta pasur në dispozicion Koken, trajneri i Barcelonës, Luis Enrique duhet të pres skadimin e dënimit të FIFA-s, në janarin e vitit 2016.